महिलांसाठी CSR निधीत स्वतंत्र हिस्सा द्या; अनिता भालेराव यांची मागणी.

अमळनेर/ आबिद शेख 

अमळनेर : महिलांच्या आर्थिक व सामाजिक विकासासाठी कॉर्पोरेट सोशल रिस्पॉन्सिबिलिटी (CSR) निधीतून स्वतंत्र आर्थिक तरतूद करण्यात यावी, अशी मागणी ‘व्हाईस ऑफ योजना दर्पण’ असोसिएशनच्या वतीने अनिता बापू भालेराव यांनी गटविकास अधिकारी, पंचायत समिती अमळनेर यांच्याकडे निवेदनाद्वारे केली आहे.

महिलांना स्वयंरोजगार, आर्थिक स्वावलंबन, कौशल्यविकास तसेच सामाजिक विकासाच्या विविध उपक्रमांसाठी CSR निधीतून आर्थिक पाठबळ मिळावे, यासाठी अमळनेरची टीम कार्यरत असल्याचेही निवेदनात नमूद करण्यात आले आहे.
महिलांच्या विकासासाठी CSR निधीचा प्रभावी वापर होऊन त्याचा थेट लाभ गरजू महिलांना मिळावा, यासाठी संबंधित विभागांनी याबाबत सकारात्मक कार्यवाही करावी, अशी मागणी अनिता बापू भालेराव यांनी केली आहे.

या निवेदनाच्या प्रती उपविभागीय अधिकारी, अमळनेर, तहसीलदार, अमळनेर तसेच मुख्याधिकारी, अमळनेर नगरपरिषद यांना माहितीस्तव देण्यात आल्या आहेत.