ईद-ए-मिलादुन्नबी निमित्त राष्ट्रवादी काँग्रेसच्या अल्पसंख्याक विभागातर्फे फळवाटप.

अमळनेर/आबिद शेख
अमळनेर : ईद-ए-मिलादुन्नबीच्या पवित्र पर्वानिमित्त राष्ट्रवादी काँग्रेस पक्षाच्या अल्पसंख्याक विभागाच्या वतीने अमळनेर येथे सामाजिक उपक्रमाचे आयोजन करण्यात आले. प्रेषित हजरत मोहम्मद पैगंबर (स.अ.व.) यांनी दिलेल्या प्रेम, करुणा आणि मानवसेवेच्या संदेशातून प्रेरणा घेत ग्रामीण रुग्णालयातील रुग्ण तसेच अमळनेर रेल्वे स्थानकावरील गरजू नागरिक व प्रवाशांना फळांचे वाटप करण्यात आले.

या उपक्रमाच्या माध्यमातून सर्वधर्मसमभाव, बंधुभाव आणि माणुसकीचा संदेश देण्यात आला. सणाचा आनंद केवळ स्वतःपुरता मर्यादित न ठेवता समाजातील गरजू घटकांसोबत तो वाटून घेणे, हाच ईद-ए-मिलादुन्नबीचा खरा संदेश असल्याचे आयोजकांनी सांगितले.

या सामाजिक उपक्रमाचे आयोजन राष्ट्रवादी काँग्रेस पक्षाच्या अल्पसंख्याक विभागाचे शहराध्यक्ष सैय्यद अजहर अली, सरचिटणीस जुनेद शेख आणि कार्याध्यक्ष बबलू शेख यांनी केले.
यावेळी राष्ट्रवादी काँग्रेस पक्षाचे शहराध्यक्ष चेतन राजपूत, जितेंद्र ठाकूर, माजी शहराध्यक्ष मुख्तार खाटीक, अल्पसंख्याक तालुकाध्यक्ष अलीम मुजावर, अल्पसंख्याक जिल्हा उपाध्यक्ष आरिफ भाया, वसीम पठाण, भूषण भदाणे, सैय्यद नबी, दर्शन पाटील, रिजवान मणियार, आसिफ सैय्यद, सलमान बागवान, जावेद शेख, शरूख खान यांच्यासह पक्षाचे पदाधिकारी व कार्यकर्ते मोठ्या संख्येने उपस्थित होते.
ईद-ए-मिलादुन्नबीच्या निमित्ताने राबविण्यात आलेल्या या उपक्रमाचे उपस्थितांकडून कौतुक करण्यात आले.