३३ वर्षांनंतर मुंबई बॉम्बस्फोट प्रकरणी १२ जण दोषी; ‘टाडा’ न्यायालयाचा महत्त्वपूर्ण निकाल

24 प्राईम न्यूज 6 May 2026
१९९३ साली झालेल्या मुंबई साखळी बॉम्बस्फोट प्रकरणात जामनगर येथील ‘टाडा’ न्यायालयाने सोमवारी १२ आरोपींना दोषी ठरवत त्यांना कारावासाची शिक्षा सुनावली. तब्बल ३३ वर्षांनंतर या खटल्याचा निकाल लागल्याने देशभरात या निर्णयाकडे विशेष लक्ष लागले होते.

या प्रकरणाचा संबंध पाकिस्तानमधून समुद्रमार्गे भारतात आणलेल्या स्फोटक आणि शस्त्रांच्या तस्करीशी आहे. तपासात उघड झाल्यानुसार, जामनगर व कच्छ भागातील काही स्थानिकांच्या मदतीने हा साठा भारतात पोहोचवण्यात आला होता. मुस्तफा दोसाच्या ‘सदा-अल-बहार’ नावाच्या नौकेद्वारे कराचीजवळील समुद्रातून मोठ्या प्रमाणात स्फोटके आणि अत्याधुनिक शस्त्रे आणण्यात आली.

हा साठा दोन भागांत विभागण्यात आला होता. एक भाग महाराष्ट्रात तर दुसरा गुजरातमधील पोरबंदर-वेरावळ किनारपट्टीवर उतरवण्यात आला. गोसाबारा किनाऱ्यावर उतरवलेली शस्त्रे नंतर ट्रकद्वारे सूरत, वलसाड तसेच उत्तर प्रदेशपर्यंत पोहोचवण्यात आली होती.
न्यायालयाने आपल्या निरीक्षणात नमूद केले की, या कटात पाकिस्तानच्या नौदल व लष्करी अधिकाऱ्यांचा थेट सहभाग होता. हा संपूर्ण कट फरार अंडरवर्ल्ड डॉन दाऊद इब्राहिम आणि टायगर मेमन यांच्या मार्गदर्शनाखाली रचण्यात आला होता. दुबईतील बैठकीत या कटाची आखणी करण्यात आली होती, असेही न्यायालयाने स्पष्ट केले.
बाबरी मशिदीच्या घटनेनंतर देशात जातीय तणाव वाढवण्याच्या उद्देशाने आरडीएक्स, रायफल्स आणि ग्रेनेड्ससारखी घातक शस्त्रे भारतात तस्करी करून आणण्यात आली होती, असे सरकारी पक्षाने सिद्ध केले असून न्यायालयाने ते मान्य केले आहे.

रवि ज्वेलर्स,अमळनेर,
सोने चांदी आजचे भाव

24 Ct सोने 99.50% : ₹. 148500

22 Ct सोने 91.60% : ₹. 137000

18 Ct सोने 75.00% : ₹. 114000

शुद्ध चांदी 999%:₹. 2450/-
भाव प्रती 10 ग्राम

22 कैरेट 916 हॉलमार्क दागिने मजूरी फ़क्त @ 5%