अमळनेर नगरपरिषदेत नवीद शेख यांची प्रतोदपदी निवड; सर्व स्तरातून अभिनंदनाचा वर्षाव..
अमळनेर | आबिद शेख
अमळनेर नगरपरिषदेतील शिवसेनेचे नगरसेवक नवीद शेख हे शिवसेनेच्या तिकिटावर निवडून आले असून त्यांची पक्षाच्या प्रतोद पदी निवड करण्यात आली आहे. या निवडीमुळे अमळनेरच्या राजकीय वर्तुळात समाधान व्यक्त होत असून, नवीद शेख यांच्यावर विविध स्तरांतून अभिनंदनाचा वर्षाव होत आहे.
नवीद शेख यांनी नगरपरिषद निवडणुकीत नागरिकांचा विश्वास संपादन करत ठोस मताधिक्याने विजय मिळवला होता. त्यांच्या कार्यकुशलतेचा, जनतेशी असलेल्या थेट संपर्काचा आणि विकासाभिमुख भूमिकेचा विचार करून शिवसेना पक्षाने त्यांची प्रतोदपदी निवड केली असल्याचे पक्षाच्या वर्तुळातून सांगण्यात येत आहे.
प्रतोदपदाच्या माध्यमातून नगरपरिषदेत शिवसेनेची भूमिका प्रभावीपणे मांडणे, पक्षातील नगरसेवकांमध्ये समन्वय राखणे तसेच शहराच्या विकासाशी संबंधित विषयांवर ठाम भूमिका घेणे ही महत्त्वाची जबाबदारी नवीद शेख यांच्यावर असणार आहे. नगरपरिषदेत शिस्तबद्ध व लोकाभिमुख कार्यपद्धती राबवण्यासाठी ते प्रयत्नशील राहतील, अशी अपेक्षा व्यक्त केली जात आहे.
या निवडीनंतर शिवसेना पदाधिकारी, कार्यकर्ते, मित्रपरिवार तसेच विविध सामाजिक संघटनांच्या वतीने नवीद शेख यांचे अभिनंदन करण्यात येत आहे. शहराच्या सर्वांगीण विकासासाठी, मूलभूत सुविधा, नागरी प्रश्न आणि सर्वसामान्य नागरिकांच्या हितासाठी आपण कटिबद्ध राहू, अशी भावना नवीद शेख यांनी यावेळी व्यक्त केली.
त्यांच्या प्रतोदपदी निवडीमुळे अमळनेर नगरपरिषदेत शिवसेनेची ताकद अधिक मजबूत होणार असून, आगामी काळात विकासात्मक निर्णयांना गती मिळेल, असा विश्वास नागरिकांकडून व्यक्त केला जात आहे.
