व्ही. एस. पवार इंग्लिश मीडियम स्कूलचा मानाचा अभिमान!प्राचार्या सौ. वर्षा सोहिते यांना “Best Principal Award 2025-26”डॉ. किरण बेदी व सायना नेहवाल यांच्या हस्ते गौरव..

आबिद शेख/अमळनेर

दुर्गा फाउंडेशन संचलित कै. श्री. दादासाहेब व्ही. एस. पवार इंग्लिश मीडियम स्कूलमध्ये आज उत्सवाचे वातावरण पसरले आहे. शाळेच्या प्राचार्या सौ. वर्षा सोहिते यांना इंडियन टॅलेंट ओलंपियाड (ITO) तर्फे आयोजित भव्य राष्ट्रीय पुरस्कार सोहळ्यात “Best Principal Award 2025-26 (The Lifetime Achievement Award)” हा मानाचा पुरस्कार प्रदान करण्यात आला.
या कार्यक्रमाचे वैशिष्ट्य म्हणजे देशातील दोन श्रेष्ठ व्यक्तिमत्त्वांच्या हस्ते हा सन्मान देण्यात आला—
भारताच्या पहिल्या महिला IPS अधिकारी व समाजसेविका डॉ. किरण बेदी
ऑलिम्पिक पदक विजेती, पद्मभूषण सन्मानित बॅडमिंटनपटू सायना नेहवाल
उत्कृष्ट नेतृत्वाचा गौरव
ITO समितीने प्राचार्या सोहिते यांच्या— दूरदृष्टीपूर्ण नेतृत्व, संघटन कौशल्य,,विद्यार्थ्यांविषयीची संवेदनशीलता,शिस्तप्रियता,आणि शैक्षणिक प्रगतीसाठीच्या सातत्यपूर्ण प्रयत्नांची दखल घेत
हा प्रतिष्ठित पुरस्कार जाहीर केला आहे.
देशभरातील नामांकित शैक्षणिक संस्थांच्या प्रमुखांच्या उपस्थितीत झालेल्या या सोहळ्यात सौ. सोहिते यांच्या कार्याचे सर्वत्र कौतुक करण्यात आले.
शाळेत आनंदाचे वातावरण
या सन्मानामुळे शाळेतील विद्यार्थी, शिक्षक, पालक आणि संस्थेचे पदाधिकारी अत्यंत उत्साहित झाले आहेत. सन्मान स्वीकारताना सौ. सोहिते म्हणाल्या—
“हा पुरस्कार माझा नसून संपूर्ण शाळा परिवाराच्या सहकार्याचा आणि सामूहिक प्रयत्नांचा परिणाम आहे. विशेषत: ITO Coordinator सौ. मनीषा सोनार, सहभागी विद्यार्थी, तसेच संस्थेचे चेअरमन मा. उत्कर्ष पवार, सचिव सौ. अलका पवार आणि माझ्या कुटुंबीयांच्या पाठिंब्यामुळेच हे यश शक्य झाले.”
शाळेच्या दृष्टिकोनाला राष्ट्रीय मान्यता
हा पुरस्कार फक्त एका व्यक्तीचा गौरव नसून, व्ही. एस. पवार इंग्लिश मीडियम स्कूलच्या सर्वांगीण शैक्षणिक दृष्टिकोनाचा सन्मान आहे.
आनंदी, मूल्यनिष्ठ, सक्षम आणि सहृदयी विद्यार्थी घडविण्याचा संकल्प हीच या संस्थेची खऱ्या अर्थाने ओळख आहे.
या मानाच्या तुऱ्यामुळे शाळेच्या यशकहाणीमध्ये अजून एक सुवर्ण पान जोडले गेले असून, भविष्यातील उत्कृष्ट शैक्षणिक कार्यासाठी नवी प्रेरणा मिळाली आहे.