प्रभाग १३ (अ) मध्ये निवडणुकीची जोरदार चर्चा!जुबेदाबी शेख यांच्या उमेदवारीला मतदारांचा उत्स्फूर्त प्रतिसाद; शिटी निशाणीवर विजयाची चर्चा

आबिद शेख/अमळनेर

अमळनेर – अमळनेर नगरपरिषद सार्वत्रिक निवडणूक २०२५ च्या पार्श्वभूमीवर प्रभाग क्रमांक १३ (अ) सर्वसाधारण महिला राखीव मतदारसंघात जुबेदाबी शेख यांच्या उमेदवारीनंतर राजकीय वातावरण तापले आहे. शहर विकास आघाडी तर्फे जाहीर झाल्यानंतर त्यांच्या उमेदवारीची चर्चा प्रभागात जलदगतीने पसरली असून, विशेषतः महिला व युवक मतदारांमध्ये त्यांना उत्स्फूर्त प्रतिसाद मिळत आहे.
महिलांचा मजबूत पाठिंबा – लोकप्रियता वाढतेय वेगाने
शिटी ही निवडणूक निशाणी असलेल्या जुबेदाबी शेख यांनी महिला सक्षमीकरण, आरोग्य, स्वच्छता, शिक्षण आणि सुरक्षा यांसारख्या संवेदनशील विषयांवर ठाम भूमिका मांडल्याने महिला मतदारांमध्ये त्यांच्याबद्दल विश्वास निर्माण झाला आहे. प्रभागातील महिलांनी त्यांच्या खुल्या संवादशैलीचे कौतुक करत समर्थनाची घोषणा केली आहे.
युवकांसाठी स्पष्ट विकासदृष्टी
प्रभागातील मूलभूत सुविधांचा विकास, रस्ते, नळपाणी योजना, कचरा व्यवस्थापन, तसेच युवकांसाठी क्रीडा साहित्य, रोजगार मार्गदर्शन उपक्रम राबवण्याचे त्यांनी जाहीरपणे सांगितले आहे. त्यामुळे युवा मतदार त्यांच्याकडे आकर्षित झाले आहेत. त्यांच्या बैठकींना युवकांची मोठी उपस्थिती दिसत आहे.
प्रभागातील महिला नेतृत्वाला मिळालेली नवी धार
महिलांच्या प्रश्नांवर काम करणाऱ्या नेतृत्वाची गरज प्रभागात नेहमीच जाणवत होती. जुबेदाबी यांच्या उमेदवारीमुळे त्या रिक्ततेची पूर्तता झाली असल्याचे स्थानिक नागरिकांचे मत आहे. महिलांच्या नेतृत्वाला मिळालेलं हे बळ आगामी निवडणुकीत निर्णायक ठरू शकतं, अशी चर्चा सर्वत्र ऐकू येत आहे.

शिटी निशाणीवर विजय निश्चित?
नुकत्याच झालेल्या दौऱ्यांमध्ये मिळालेला उत्स्फूर्त प्रतिसाद, घरफेरीत दिसणारा उत्साह, महिलांचा वाढता सहभाग आणि युवकांचा सक्रिय पाठींबा पाहता शिटी निशाणी प्रभाग १३(अ) मध्ये मजबूत स्थितीत असल्याची राजकीय चर्चेला चांगलीच उधाण आलं आहे. स्थानिक पातळीवरील वातावरण पाहता त्यांचा विजय निश्चित असल्याची चर्चा देखील वेगाने पसरते आहे.
मतदारांच्या अपेक्षांवर खरी उतरण्याचा निर्धार
“प्रभागाचा चौफेर विकास, स्वच्छ आणि सुरक्षित परिसर, महिलांसाठी सुलभ सुविधा आणि युवकांसाठी संधी निर्माण करणे हेच माझं ध्येय,” असे जुबेदाबी शेख सांगतात. जनतेच्या अपेक्षा पूर्ण करण्यासाठी प्रामाणिकपणे काम करण्याचा त्यांनी निर्धार व्यक्त केला आहे.