ताम्बापुर दंगा रिक्शा चालक अशफाक शेखवर घरात घुसून हल्ला. एमआयडीसी पोलिस ठाण्यात २३ उपद्रवींविरुद्ध दोन गुन्हे दाखल – पोलिसांनी आणखी एक वेगळा गुन्हा केला नोंद

24 प्राईम न्यूज 12 Nov 2025

जळगाव शहरातील ताम्बापुर परिसर पुन्हा एकदा दंगाग्रस्त झाला आहे. ९ नोव्हेंबर रोजी दुपारी सुमारे १२ वाजता छोट्या क्रिकेट सामन्यातून निर्माण झालेल्या वादामुळे परिसरात तणाव निर्माण झाला आणि स्थिती बेकाबू झाली. उपद्रवी घटकांनी केलेल्या दगडफेकी, घोषणाबाजी आणि बिनधास्त हल्ल्यांमुळे परिसरात दहशतीचे वातावरण निर्माण झाले.

या घटनेत रिक्षाचालक अशफाक शेख यांच्यावर त्यांच्या घरात घुसून जीव घेण्याच्या उद्देशाने लोखंडी रॉड व काठ्यांनी हल्ला करण्यात आला. या भ्याड आणि निंदनीय हल्ल्यामुळे ताम्बापुर परिसरातील शांतता पूर्णपणे भंगली असून नागरिकांमध्ये तीव्र संतापाची लाट पसरली आहे.

भारतीय न्याय संहिता (BNS) कलम 333, 128(2), 189(2), 191(2), 309 आणि महाराष्ट्र पोलिस अधिनियम कलम 37(1)(2), 135 अंतर्गत गुन्हा क्रमांक 0821/2025 नोंदवण्यात आला आहे.

तक्रारदार शेख अशफाक आमिर (वय ३०, रा. ताम्बापुर) यांनी दिलेल्या फिर्यादीत म्हटले आहे की,
“मी माझे रिक्षा घरासमोर लावीत होतो, तेव्हा काही युवक हातात रॉड, काठ्या आणि दगड घेऊन धावत आले आणि माझ्यावर हल्ला केला…”

घटनेनंतर पोलिसांनी तत्काळ घटनास्थळी धाव घेत परिस्थिती नियंत्रणात आणली असून, २३ उपद्रवींविरुद्ध दोन स्वतंत्र गुन्हे दाखल करण्यात आले आहेत. तसेच आणखी एक स्वतंत्र गुन्हा पोलिसांनी स्वतःहून नोंदविला आहे.