स्थानिक स्वराज्य संस्थांच्या निवडणुकांसाठी मतदार याद्यांची प्राथमिक यादी प्रसिद्ध — ऑनलाईन आणि ऑफलाईन तपासणीची सोय उपलब्ध..

24 प्राईम न्यूज 12 Oct 2025

मुंबई, ९ ऑक्टोबर २०२५ — राज्य निवडणूक आयोग, महाराष्ट्र यांनी जिल्हा परिषद, पंचायत समिती आणि नगरपरिषद/नगरपंचायत निवडणुकांसाठी मतदार याद्यांची प्राथमिक यादी ८ ऑक्टोबर रोजी प्रसिद्ध केली आहे. मतदारांना आपले नाव यादीत आहे की नाही हे तपासण्यासाठी ऑनलाईन व ऑफलाईन दोन्ही सुविधा उपलब्ध करून देण्यात आल्या आहेत.
ऑनलाईन तपासणीसाठी:
अधिकृत लिंक: https://mahasecvoterlist.in/
मतदार क्रमांक व नावाद्वारे नाव शोधण्याची सोय.
स्वतंत्र सुविधा: https://mahasec.maharashtra.gov.in/
१ जुलै २०२५ हा अर्हतादिनांक निश्चित करण्यात आला असून, त्यानुसार विधानसभा मतदार यादीच्या आधारे स्थानिक स्वराज्य संस्थांसाठी प्राथमिक मतदार यादी तयार करण्यात आली आहे.
ऑफलाईन तपासणीसाठी:
जिल्हा परिषद व पंचायत समितींची यादी संबंधित तहसील कार्यालयात उपलब्ध.
नगरपरिषद व नगरपंचायत मतदार यादी त्यांच्या कार्यालयात पाहता येईल.
प्रति पाने शुल्क: ₹२
मतदार यादी डाउनलोड:
मतदारांना घरबसल्या यादी पाहता यावी यासाठी आयोगाने https://mahasecvoterlist.in/ObjectionOnClick/DownloadVoterlist या लिंकवरून पीडीएफ स्वरूपात यादी डाउनलोड करण्याची सुविधा दिली आहे.
मतदारांनी आपले नाव प्राथमिक यादीत तपासून वेळेवर दुरुस्त्या अथवा आक्षेप नोंदवावेत, असे आवाहन आयोगाने केले आहे.