प्रा. रविंद्र माळी यांना जागतिक फार्मासिस्ट दिनानिमित्त SPSR Excellence Award 2025
आबिद शेख/अमळनेर
अमळनेर :जागतिक फार्मासिस्ट दिन (२५ सप्टेंबर २०२५) निमित्त सोसायटी ऑफ फार्मास्युटिकल सायन्सेस अँड रिसर्च (SPSR) तर्फे आयोजित १०१ व्या आंतरराष्ट्रीय वेबिनारमध्ये प्रा. रविंद्र गंगाराम माळी यांना SPSR Excellence Award 2025 ने सन्मानित करण्यात आले.
फार्मसी क्षेत्रातील २७ वर्षांच्या उल्लेखनीय शैक्षणिक कार्याची दखल घेत ही गौरवपूर्ण कामगिरी साधण्यात आली आहे. त्यांनी फार्मसी विषयावरील पुस्तके, संशोधन व माहितीपूर्ण शोधनिबंध प्रकाशित केले असून, राष्ट्रीय पातळीवरील विविध शास्त्रीय सेमिनारमध्ये सहभाग नोंदवला आहे.
नुकतेच प्रा. माळी हे श्री स्वामीनारायण विश्व मंगल गुरुकुल व स्वामीनारायण युनिव्हर्सिटी, कलोल (जि. गांधीनगर, गुजरात) संचलित फार्मसी महाविद्यालयात प्राध्यापक म्हणून कार्यरत झाले आहेत.
या यशाबद्दल गुरुकुलचे व युनिव्हर्सिटीचे संस्थापक अध्यक्ष स्वामी प्रेमस्वरूपदासजी, संत भक्तवत्सलजी, भक्तीनंदनजी, कुलगुरु डॉ. रूपेश वसाणी, रजिस्ट्रार डॉ. अजित गंगावने, विविध शाखांचे डिन, प्राध्यापक, कर्मचारीवर्ग व विद्यार्थी यांनी त्यांचे अभिनंदन केले. तसेच क्षत्रिय कांच माळी समाजाचे अध्यक्ष, उपाध्यक्ष, सचिव, पंच मंडळ सदस्य, समाजबांधव व मित्रपरिवार यांनीही प्रा. माळी यांचा सत्कार करून अभिमान व्यक्त केला.
प्रा. रविंद्र माळी हे अमळनेर येथील प्रसिद्ध बियाणे व कीटकनाशक औषध व्यवसायिक श्री. गंगाराम दोधू महाजन यांचे सुपुत्र आहेत.
